بنات الفيس بوك قبل الحب وبعده

تصرفات بنات الفيسبوك اثناء الحب وبعد ما تتصدم بتكون كالأتى

.

.
......
اثناء حالة الحب : دايما اوف لاين , لدرجة انك لو تعرفها هتفتكرها هاجرت من الفيس وراحت تويتر او تاجد,
وهتلاقي صورة البروفايل دايما فيها حاجه حمره يا قلب يا ورده
الإستيتس بتاعتها بتكون دايما " كلمات أغاني رومانسيه مووووت" غالبا لـ جـــنـــات ( مـــلـــكـــة الـــرومـــانــــســــيـــة ) ,

ولو مشتركه فى صفحات او جروبات بتظهر فى صفحه منهم كل يومين تلاته وكل ردودها بتكون يا "ضحكه مع لول" يا إما "ميرسى مع لايك" , وطبعا هتلاقى عندها 30 طلب صداقه متعلقين وهى ولا بتبص عليهم ,

نيجى بقى بعد الصدمه العاطفيه : هتلاقيها مبدئيا حاطه صوره مكتوب عليها " فوكك منى" وهتلاقيها دايما اونلاين ومستنيه أى شاب يقولها "هاى" علشان تقوله "هنستظرف"!!؟
والستيتس بتاعتها هتبقى دايما على شاكلة " بلا حب بلا نيله " والكومينتات بتاعتها بتكون غالبا فى كل الصفحات والجروبات اللى هى مشتركه فيها و بتكون مكونه على الأقل من 10 سطور نص الكلمات اللى فى الكومينت بتكون "محدش يستاهل , سيبك منه , كلهم زى بعض , واحيانا كلمة طز " ولو دخلت على البروفايل بتاعها هتلاقيها بقت صديقه مع الـ 30 طلب صداقه اللى بقالهم شهر متعلقين

وده يأكدلنا ان الحب زى المورجيحه يوم تحت وفوق


عايزة رأيكم فى كومنتات .. قصدى فى مشاركات .. معلش أصل الفيس بوك اكل دماغنا